Escolas Vigo: directorio de centros educativos.

A EIM Sta. Cristina conta con tres unidades para nenas/os de 3 meses ata 3 anos de idade, sendo a súa capacidade de 38 nenas/os en horario simultáneo.

O horario no que se desenvolve o servizo é de luns a venres de 7:30 a 20:00 horas, dende o 1 de setembro ata o 31 de xullo. O mes de agosto permanece pechada por vacacións.

O Equipo Profesional está formado  por persoas debidamente cualificadas para o desempeño das súas funcións. Ademais, a Escola dispón dun servizo de Atención Temperá e de Asesoría Nutricional.

O idioma vehicular é o galego, respectando o Decreto 124/2007 de promoción da lingua galega no sector educativo e a Ordenanza Municipal acordada polo Pleno en 1998. Nas aulas trabállanse os dous idiomas oficiais da nosa Comunidade Autónoma e introdúcese o inglés como terceira lingua no aula de 3º.

A Escola ten, entre outros, os seguintes obxectivos específicos: promover e fomentar o desenvolvemento integral das nenas/os, así como a aprendizaxe de habilidades sociais afectivas e cognitivas; promove-la participación activa de tódolos sectores que forman a comunidade educativa.

O Centro ofrece ás familias usuarias reunións periódicas coas mestras, participación e colaboración en distintas actividades, unha "Escola de Familias" organizada polo Equipo de Atención Temperá e Actividades Extraescolares coas familias os venres desenvolvidas por persoal cualificado.