Escolas Vigo: directorio de centros educativos.

Educación Infantil (0-6 anos).
É unha etapa voluntaria organizada en dous ciclos:

• Primeiro ciclo de 0 a 3 anos.
• O Segundo ciclo, de 3 a 6 anos, é gratuíto.

Ensino Básico (6-16 anos).
Está formado pola educación primaria e a E.S.O. É gratuíta, obrigatoria e organizada segundo os principios da educación común e da atención á diversidade.


Educación Primaria.
Consta de 6 cursos que se fan entre os 6 e 12 anos. É obrigatoria e ordénanse en tres ciclos:

• Primeiro ciclo: 1º e 2º de primaria.
• Segundo ciclo: 3º e 4º de primaria.
• Terceiro ciclo: 5º e 6º de primaria.

Educación Secundaria (12-18 anos).
Inclúe os catro cursos do Ensino Secundario Obrigatorio e o ensino postobrigatorio, onde se sitúan:

• 2 Cursos de bacharelato.
• Formación profesional de grao medio.
• Ensinanzas profesionais das artes plásticas e deseño de grao medio.
• Ensinanzas deportivas de grao medio.

Educación Secundaria Obrigatoria (ESO).
Consta de catro cursos que se farán entre os 12 e os 16 anos.
Hai programas de diversificación curricular a partires do terceiro curso, orientados á consecución do título de Graduado en ESO, que dá acceso á secundaria postobrigatoria.


Programas de cualificación profesional inicial (P.C.P.I.).
Para alumnado maior de 16 anos, excepcionalmente de 15.
Inclúe tres tipos de módulos:

• Conducentes á obtención dunha cualificación profesional.
• Formativos de carácter xeral.
• Voluntarios conducentes á obtención do título do graduado en ESO.

Bacharelato.
Consta de dous cursos en tres modalidades: Artes, Ciencias e Tecnoloxía, Humanidades e Ciencias Sociais.

O título de Bacharelato dá acceso á Educación Superior.
Ordinariamente cúrsase entre os 16 e 18 anos, e ten dous cursos: 1º e 2º de bacharelato.

Formación profesional.
As ensinanzas de formación profesional abarcan os módulos profesionais e xerais dentro dos P.C.P.I., os Ciclos Formativos de Grao Medio (na Educación Secundaria Postobrigatoria) e os Ciclos Formativos de Grao Superior (na Ensinanza Superior).