Concello de Vigo: Praza do Rei nº1 - 36202, Vigo | Tlf: 986 81 01 00 Oficina de Educación: Tlf: 986 81 01 81 | Email: ofi.educacion
vigo.org
vigo.orgO Concello de Vigo está firmemente comprometido co ofrecemento, ao meirande número posible de estudiantes vigueses, da posibilidade de perfeccionar o seu coñecemento do inglés, asemade que descobren a cultura e o sistema educativo dos países anglosaxóns. O dominio dunha segunda lingua é esencial hoxe en día, sendo o inglés, o español e o chinés as máis demandadas e con maior presencia a nivel mundial.
O programa da edición 2026 vai dirixido a estudantes de 3º da ESO. Desenvólvese nos meses de setembro, outubro e novembro de 2026 e consiste nunha estadía de 3 semanas nun país de fala inglesa. Durante este tempo, os rapaces asisten a un centro escolar, coma calquer outro estudiante local.
Os participantes residen, en réxime de pensión completa durante toda a súa estancia, con familias nativas escolmadas para a súa participación no programa.
Despóis do xantar, realízanse diversas actividades, entre elas unha visita cultural a algún sitio de interese. Na fin de semana faise unha excursión dun día enteiro.
Durante a participación no programa, os rapaces reciben clases de reforzo e perfeccionamento de lingua inglesa.
Os estudiantes e as súas familias dispoñen dun centro de atención telefónica 24 horas para resolver calquer cuestión que lles puidese xurdir.
Se vostede xa realizou unha solicitude para o programa 2026 e precisa adxuntar documentación requirida, pode facelo de dous xeitos:
A través da páxina escolas.vigo.org/vigoeningles-adxuntar-doc, introducindo o seu número de solicitude e máis un dos NIF/NIE proporcionados na solicitude.
Deberá solicitar cita previa na web citaprevia.vigo.org ou nos teléfonos 010 / 986 810 260 / 986 810 260 e achegar a documentación.
vigo.org