Escolas Vigo: directorio de centros educativos.

O Colexio Monterrey, situado no corazón da Travesía de Vigo, naceu hai 50 anos. Nestes momentos o Colexio Monterrey é un centro concertado plurilingüe, que defende unha educación próxima, en constante contacto coas familias confiando na integración das mesmas como parte dun proxecto educativo facendo que a tarefa educativa sexa unha prolongación desde o colexio ata o fogar. O obxectivo principal do Colexio Monterrey é formar persoas que estean preparadas para a sociedade actual e ensinarlles a ser felices.

Conta cun equipo docente cun forte compromiso coa formación constante e a innovación, o que lles valeu para conseguir varios recoñecementos de calidade educativa. O último recoñecemento outorgado foi o premio polo proxecto de educación en valores "a nosa comisión de convivencia" nos " premios provinciais á mocidade" organizado pola Deputación de Pontevedra.

No desenvolvemento de proxectos utiliza metodoloxía SEM, programa de enriquecemento escolar para todo o alumnado enmarcado unha escola inclusiva que potencia o pensamento inductivo e aumenta o rendemento académico e procura o desenvolvemento de talentos e fortalezas.

A súa oferta abarca dende 4º Educación Infantil ata 4º da E.S.O., e utlizan uniforme. 

Para atender as necesidades das familias que se vexan na obriga de ter que deixar antes ós seus fillos no centro, os madrugadores chegan a partir das 7,30 da mañá e teñen servizo de comedor e actividades extraescolares.