Escolas Vigo: directorio de centros educativos.
EIM Bouzas - Casiano Martínez - centro público
Escola Infantil Municipal de primeiro ciclo que forma parte da Rede de Escolas Infantís do Concello de Vigo.
A Escola promove unha contorna educativa de calidade, nun marco activo e feliz de benestar e seguridade contribuíndo así ao desenvolvemento integral da nena ou neno desde o respecto e nun ambiente de afecto e confianza.
Está formada por un equipo de profesionais tituladas, que desde o desenvolvemento vocacional da súa profesión, senten auténtica paixón pola educación e atópanse en continua formación para día a día ofrecer ás nenas e nenos retos e axudas para aprender e desenvolver plenamente as súas capacidades.
A EIM Bouzas traballa cunha pedagoxía activa, apostando pola experimentación, sensación e manipulación como fonte de aprendizaxe.
O período de actividades lectivas é do 1 de setembro o 31 de xullo en horario de 7:30 a 17:00 horas de luns a venres.
A Escola dispón entre outros de:
Servizo de Comedor e Asesoría de nutrición
A EIM Bouzas dispón de cociña equipada, comedor e cociñeira propios, e os menús son deseñados polo Departamento de Asesoria de Nutrición e dietética, adaptados ás características dos e as nenas (evolución, alerxias…)
Servizo de orientación e asesoramento pedagóxico aos pais, para contribuír á identificación de situacións de risco ou dificultade, anticipándose á aparición de problemas ou detectándoos tempranamente e facilitando a intervención adecuada.
Patio exterior: con zona de xogos, vehículos de mobilidade e unha horta escolar.
Escola de Nais e Pais: É un espazo participativo con reunións mensuais, onde compartir experiencias, colaborar para mellorar a función educativa, realizar actividades formativas complementarias...
Wappa Babies: A EIM Bouzas dispón dunha plataforma de xestión, que facilita a trasmisión nunha aplicación telefónica da información diaria de cada alumno, fotos, circulares...mellorando a comunicación entre a Escola e os pais.
Na Escola traballamos todas as conmemoracións que nos é posible: Día da infancia, Letras Galegas, Día da Auga, Día do Libro, Día da Familia...
O grupo da aula de 2 a 3 anos fai cinco saídas didácticas ao curso. Estas son elixidas cada ano en Xuntanza de Equipo Educativo. Normalmente imos á praia, ao teatro, ao mercado, ao bosque...
Estamos a crear un horto escolar para que as nenas/os aprendan de onde proveñen algunhas hortalizas e os seus coidados.
A Asociación de Nais e Pais de Alumnos (ANPA EIM BOUZAS) establece unha perfecta canle de comunicación coa Dirección da Escola e colaboran nas actividades organizadas polo centro escolar. Ademáis programanse actividades extraescolares diferentes.
RELACIÓN FAMILIA-ESCOLA
Educar é unha tarefa conxunta entre a Escola e a Familia e por iso facemos especial énfase na boa relación comunicativa entre ambos axentes educativos propiciando unha transmisión mutua de información sobre actitudes e comportamentos.
Na Escola dámoslle moita importancia a que as familias coñezan as actividades que se están a facer na Escola e explicámoslles de que forma poden participar con nós. A diario as familias reciben información individualizada sobre cada neno: feitos destacables, estado de ánimo, alimentación, sono, deposicións...
Propiciamos un momento comunicativo de intercambio de información sobre os rapaces e as rapazas. Todos os meses enviamos un boletín informativo no cal explicamos a unidade didáctica proposta, tomando como referencia o Decreto 150/2022 do 8 de setembro que regula o currículo educativo desta etapa en Galicia. Cada unidade didáctica xira en torno a unha temática específica e nela inclúense obradoiros, instalacións, actividades variadas,... así coma os obxectivos que imos traballar e de que maneira. Aproveitamos para incluír suxerencias e información sobre a canción do mes, festas, conmemoracións, aniversarios...
Debido ao importante que é para nós ter pleno coñecemento das características globais do noso alumnado posto que ás veces pórtanse dunha maneira na Escola e doutra na casa, no parque, cos avós, etc. propoñemos titorías individualizadas nas cales as familias poden preguntar de forma específica asuntos de desenvolvemento da súa filla ou do seu fillo e ás mestras posibilítalle a opción a coñecer facetas do seu alumnado fóra do centro. Igualmente, de forma trimestral, facemos xuntanzas grupais por aula nas cales as mestras recordan cales son as normas da Escola e explican a proposta pedagóxica para o trimestre seguinte. Entendemos que este é un bo momento para escoitar propostas e aclarar dúbidas xerais.
Información importante para as familias curso 2024-2025:
_archivos/file/1_ Carpeta nais e pais curso 2024 2025.pdf
- 1º Ciclo educ. infantil (0-3 anos)
- Tlf: 986 246 550
- Fax: 986 246 550
- Email: ei.bouzas@vigo.org
- Oficina: 09:30 a 11:30 horas
- Clases: de 7:30 a 17:00.
A Escola conta con cociña propia, e comidas elaboradas por persoal de cociña especializado para adaptar sempre as comidas ás características alimentarias do alumnado.
vigo.org
