Escolas Vigo: directorio de centros educativos.

 A EIM Mestres Goldar conta con tres unidades para nenas/os de 3 meses ata 3 anos de idade, sendo a súa capacidade de 39 nenas/os en horario continuo.

A Escola, con carácter xeral, dispón dun horario continuo de luns a venres de 7:30 a 17:00 horas, dende o mes de setembro ata finais de xullo. O alumnado poderá asistir ao centro un máximo de once meses e a súa estancia mínima será de 4 horas e a máxima de 8 horas, sempre tendo en conta a organización interna da escola.  

O Equipo Profesional está formado por persoal, debidamente cualificado para o desempeño das súas funcións e que senten gran vocación pola súa profesión. A maiores, a Escola dispón dun servizo de Orientación e Atención Temperá e de Asesoría Nutricional.

A Escola promove o desenvolvemento integral das crianzas dentro dunha contorna segura e acolledora, así como tamén fomenta a aprendizaxe de habilidades sociais, afectivas e cognitivas nun ambiente respectuoso e de confianza. 

As linguas faladas no centro son o galego e o castelán, ao 50% consonte o Decreto 150/2022, do 8 de setembro, prestando unha atención especial á aprendizaxe do idioma galego, mediante metodoloxías que faciliten a súa inmersión lingüística. Nas aulas trabállanse os dous idiomas oficiais e introdúcese o inglés como terceira lingua no aula de 3º. Tamén se integra a Lingua de Signos na rutina diaria da escola.

O Centro ofrece ás familias usuarias reunións periódicas coas mestras, participación e colaboración en distintas actividades, unha "Escola de Familias" organizada polo Equipo de Orientación e Atención Temperá e "Obradoiros de familias" desenvolvidas por persoal cualificado un fin de semana ao mes.