Escolas Vigo: directorio de centros educativos.

Ubicado na Estrada Vella de Madrid, cerca do Hospital do Meixoeiro e de fácil acceso a través de autovía A55 ou dalgunha das liñas urbanas que o conectan co centro da cidade.

Constitúen o centro educativo varios edificios, que están dentro dun terreo cunha superficie total de 1,45 Ha. Dispón dun pavillón deportivo cuberto e existe unha ampla zona axardinada salpicada con mesas e bancos de pedra, onde tamén hai unha pista deportiva descuberta de 675 m². Completan o conxunto dúas zonas de aparcamento de vehículos

O centro iniciou a súa andaina no ano 1979, como "Centro Nacional de Formación Profesional Meixueiro". A denominación foi mudando cos anos, da man das administracións educativas e os estudios que albergaba, sendo ”IES RICARDO MELLA” no 1998. Dende aquela, moitas cousas cambiaron, renovándose non só estudos ofertados (ESO, Bacharelato, ESA, FP Básica e Ciclos Formativos Medios e Superiores) senón a forma de acceso a eles, e modalidades como que o alumnado pode ter a oportunidade de estudar dende a súa casa titorizados e asistidos online polo profesorado, ou  compaxinar o seu traballo asistindo en xornada de tarde, ás sesións que melloren a súa competencia profesional, cos ensinos de adultos.

A tecnoloxía da man do saber facer e o compromiso dos profesionais que conforman o equipo humano  deste centro (actualmente con máis de 100 profesores e preto duns 2.000 alumnos) , fai que este sexa referente para moitas empresas da nosa contorna.

En definitiva, un compromiso co desenvolvemento persoal e profesional do noso alumnado, ao que axudamos en distintas etapas ao longo da súa vida, cunha oferta educativa adaptada as súas necesidades.