Escolas Vigo: directorio de centros educativos.

No IES Carlos Casares pretendemos darlle ao noso alumnado unha formación sólida adaptada ás súas necesidades e circunstancias persoais. Para nós é fundamental que obteñan a titulación que lles permita acceder aos estudos que desexen ou ao mundo laboral, por iso coidamos moito tanto o nivel de desenvolvemento das competencias, que buscan o “saber facer”, como o que ten que ver coa atención á diversidade.

O desenvolvemento das competencias require de cambios metodolóxicos que comportan unha aprendizaxe máis activa: traballo por proxectos, aprendizaxe colaborativa... sendo a posta ao día das nosas metodoloxías unha das características propias do IES Carlos Casares.

Somos coñecedores de todos os plans de innovación da Consellería e participamos desde fai anos naqueles que máis serven para mellorar o desenvolvemento competencial do alumnado (Plan Proxecta, Contratos Programa, Plan de mellora de Bibliotecas, Educación Responsable, Observa_Acción, Erasmus +…).

A preocupación pola competencia lingüística fai que nos nosos proxectos utilicemos todas as linguas curriculares e demos moita importancia á Sección bilingüe que temos en 3º e 4º de ESO e a tarefa que fai o equipo da Biblioteca escolar. 

 Apreciamos a importancia das redes sociais para a comunicación e por iso as utilizamos cada vez mais,  pero coidamos especialmente  o trato directo e personalizado co alumnado e as súas familias.