Escolas Vigo: directorio de centros educativos.

A «E.I.M. Santa Marta» forma parte da Rede Municipal de Escolas Infantís do Concello de Vigo.

Contamos con tres unidades para nen@s de 3 meses ata 3 anos, agrupados por idades e por quendas:

-  Aula 1:     8 nen@s.

-  Aula 2:   13 nen@s.

-  Aula 3:   15 nen@s.

As actividades lectivas desenvólvense dende setembro ata xullo, de luns a venres, en horario de 7:30 a 20:00 horas, dividido en dúas quendas (a de Mañá de 07:30 a 15:30, e a de Tarde de 16:00 a 20:00 horas). O mes de agosto a Escola permanecerá pechada por mantemento das instalacións e por vacacións do poersoal e do alumnado

O Equipo Profesional está formado por persoal debidamente preparado e cualificado para o desempeño das súas funcións. Todo o persoal da Escola queremos que @s nen@s medren nun marco educativo de calidade; creando, dende o respecto, un ambiente de benestar, confianza e seguridade, contribuíndo así ó seu desenvolvemento integral.

 A nosa Escola axudará a que @s nen@s desenvolvan ó máximo as súas capacidades, establezan as súas primeiras relacións sociais e acaden hábitos de autonomía, descubrindo así o mundo que os rodea, e aprendendo a expresarse.

As linguas faladas no centro son o galego e o castelán ó 50% consonte o Decreto 150/2022, do 8 de setembro, prestando unha especial á aprendizaxe do idioma galego, mediante metodoloxías que faciliten a súa inmersión lingüística. Nas aulas trabállanse os dous idiomas oficiais e introdúcese o inglés como terceira lingua no aula de 3º. Tamén se integra a Lingua de Signos na rutina diaria da escola.

Nesta Escola tamén ofrecemos ás familias usuarias reunións periódicas coas educadoras, participación e colaboración en distintas actividades, unha "Escola de Familias" organizada polo Equipo de Orientación e Atención Temperá e "Obradoiros de familias" desenvolvidas por persoal cualificado un día ó mes.