Escolas Vigo: directorio de centros educativos.

 A EIM Mestres Goldar conta con tres unidades para nenas/os de 3 meses ata 3 anos de idade, sendo a súa capacidade de 39 nenas/os en horario continuo.

O horario no que se desenvolve o servizo é de luns a venres de 7:30 a 17:00 horas, dende o mes de setembro ata o 31 de xullo. O mes de agosto permanece pechada para a realización de traballos de mantemento das instalacións e para o desfrute das vacacións do persoal e alumnado.

O Equipo Profesional está formado por persoal, debidamente cualificado para o desempeño das súas funcións. A maiores, a Escola dispón dun servizo de Orientación e Atención Temperá e de Asesoría Nutricional.

As linguas faladas no centro son o galego e o castelán, ao 50% consonte o Decreto 150/2022, do 8 de setembro, prestando unha atención especial á aprendizaxe do idioma galego, mediante metodoloxías que faciliten a súa inmersión lingüística. Nas aulas trabállanse os dous idiomas oficiais e introdúcese o inglés como terceira lingua no aula de 3º. Tamén se integra a Lingua de Signos na rutina diaria da escola.

A Escola ten, entre outros, os seguintes obxectivos específicos: promover e fomentar o desenvolvemento integral das nenas/os, así como a aprendizaxe de habilidades sociais, afectivas e cognitivas; promover a participación activa de tódolos sectores que forman a comunidade educativa.

O Centro ofrece ás familias usuarias reunións periódicas coas mestras, participación e colaboración en distintas actividades, unha "Escola de Familias" organizada polo Equipo de Orientación e Atención Temperá e "Obradoiros de familias" desenvolvidas por persoal cualificado un fin de semana ao mes.