Escolas Vigo: directorio de centros educativos.

A escola EEI Plurilingüe Monte do Alba é un centro aberto, participativo, solidario  e cunha pedagoxía activa en contacto coa natureza.

Traballamos por proxectos  co proceso de aprendizaxe centrada nos nenos e nenas, moitas das nosas actividades xiran arredor do noso patio onde contamos cunha horta e podemos observar flora e fauna.

As familias participan na escola a través do equipo de teatro e de biblioteca, axudan nas saídas, colaboran nas festas ou recitan poemas e contos.

Damos moita importancia a manipulación, as sensacións e a experimentación mediante diversos obradoiros que se están desenvolvendo en lingua inglesa.

Implicámonos coa nosa contorna a través de colaboracións coa Asociación cultural, os outros Centros Escolares, a Comunidade de Montes... consideramos moi importante a expresión artística polo que realizamos saídas para asistir a museos, funcións de teatro, concertos e tamén desfrutamos das actuacións e intervencións de artistas  e colectivos que veñen compartir con nós o seu traballo ( contacontos, cantareiras, pintores, músicos, escritores...).

As festas tradicionais son importantes no centro o Magosto, oSamaín, o Entroido, os Maios.. e outras festividades  Día do Libro Infantil, Día de Rosalía, Día da Muller, Día do Medio Ambiente...

Iniciamos unha nova actividade educativa" o Robot Escornabot sube ao Alba", no que os nenos e nenas enfréntanse ao mundo da programación a da robótica a xeito de xogo relacionado cos contos.

Se queredes saber un pouco máis da noso traballo podedes visitar a nosa páxina web :

www.edu.xunta.gal/centros/eeimontealba/