Escolas Vigo: directorio de centros educativos.

O Proxecto Educativo da escola é un documento vivo, integral e vencellante para toda a comunidade educativa, como resultado das reflexións e dos acordos que orientan o modelo educativo do centro, conxuntamente coa Programación Didáctica e as Normas de Organización e Funcionamento e Convivencia. Unha escola para todas e para todos que camiña polos vieiros da inclusión,compensadora de desigualdades e potenciadora das capacidades e das competencias nas que a diversidade é un valor, non un problema. Unha escola de educación infantil aberta a contorna social e natural na que está inmersa, na que as nenas e os nenos son o eixo dunha escola na que poden medrar como persoas en liberdade, tolerancia, autonomía e respecto.

A aprendizaxe é un proceso de descubrimento e construción polo que as aulas están deseñadas por recantos e obradoiros. Os procesos de ensino-aprendizaxe, a través da metodoloxía de proxectos, realízanse en castelán e en galego, ademáis de facer un achegamento o inglés como primeira lingua extranxeira, así como a potenciación das Tics nas aulas e no centro para camiñar polas autoestradas da comunicación e da información global.

O equipo educativo está formado por mestras especialistas en educación infantil, inglés, audición e linguaxe, persoal auxiliar educativo e de servicios.