Escolas Vigo: directorio de centros educativos.

O Colexio Plurilingüe Vista Alegre está situado na periferia de Vigo nun contorno illado da conxestión propia do centro da cidade e en contacto coa natureza. Traballamos cun amplo equipo de profesionais (profesores, pedagogos, especialistas) que se implican nunha educación de calidade para que tódolos alumnos/as que pasen por este centro, utilizando unha liña pedagóxica, poidan conseguir ser preparados para integrarse na sociedade como persoas libres e responsables e capaces de elaborar o seu futuro.

Formamos ós alumnos no traballo e na responsabilidade para obter no ámbito académico e cultural resultados positivos e satisfactorios nos obxectivos marcados para os diferentes niveis educativos.

"Educamos para a vida" para que se recoñezan membros activos do contorno socialdesenvolvendo os principios básicos para a convivencia humana.

Inculcamos ó longo de toda a escolaridade unha potenciación de valores coma: alegría, amizade, estima, autonomía, colaboración, igualdade, respecto, compromiso, constancia, cooperación, creatividade, esforzo, responsabilidade, xenerosidade, orde, paz e pluralidade.

Defendemos unha educación centrada na persoa que atenda ás diferenzas individuais mediante unha acción titorial orientadora. Pretendemos que os alumnos/as se sintan protagonistas da súa aprendizaxe.