Escolas Vigo: directorio de centros educativos.

Somos unha comunidade educativa onde familias e educadores traballamos, con renovada ilusión, por unha educación enraizada nos valores do carisma Marista: proximidade, sinxeleza e espírito de familia.

A educación na dimensión profunda da persoa, a renovación constante das prácticas metodolóxicas, a atención á diversidade, a inclusión de métodos de aprendizaxe plurilingües, a importancia do deporte como valor de vida ou o uso das novas tecnoloxías como ferramentas de aprendizaxe, comunicación e xestión colexial, convertéronse nos elementos clave do noso modelo educativo (Plurilingüismo/Bilingüismo, entornos virtuales de aprendizaxe- Gsuite for education, ...).

Coñece como EDUCAMOS

Formamos parte da rede educativa marista integrada por todos os colexios da Provincia Marista Compostela.

OFRECEMOS distintos servizos (comedor, madrugadores, biblioteca,…), actividades extraescolares e deportivas, para facilitar a conciliación familiar e facer a vida colexial máis agradable e divertida.

Ademais, convidámosvos a percorrer os diferentes espazos onde se desenvolve a actividade colexial, desde o xardín e as canchas deportivas ás aulas e laboratorios, ou a biblioteca e o comedor, a través desta VISITA VIRTUAL.

Coñece o que SOMOS coma centro.