Escolas Vigo: directorio de centros educativos.
CEP Doutor Fleming - centro público
Adscrito ao centro: IES do CastroA misión do noso Centro é proporcionar ao alumnado unha formación integral e personalizada, baseada no desenvolvemento de capacidades, habilidades e valores que lle permitan afrontar diferentes situacións, fomentando un espírito crítico e responsable, nun clima de traballo cooperativo e de esforzo persoal que facilite a adaptación á escola e ao contorno para acadar unha sociedade mellor.
O noso centro aspira a:
- Converterse en referente da zona educativa pola optimización dos seus recursos e instalacións, a boa relación entre os membros que forman a súa comunidade educativa e a apertura a outros Centros e institucións.
- Consolidar un clima de traballo en equipo, agradable e participativo, onde o profesorado se involucre no bo funcionamento do Centro, nos procesos de innovación, convivencia e mellora continua.
- Que o alumnado o sinta como seu, cun clima de tolerancia e respecto onde reciba unha formación de calidade que aporte valor a súa socialización e preparación intelectual cara á integración na sociedade do futuro.
Máis información na propia web do centro. CLICADE.
O centro conta cun edificio de 4.500 m2 do que salientamos o seguinte: 24 aulas, 3 aula de pedagoxía terapéutica, 1 aula de audición e linguaxe, departamento de orientación, 1 aula de informática, 1 aula polivalente, 1 aula de música, biblioteca con servizo de préstamo, comedor con cociña equipada en uso, 1 sala de usos múltiples, ximnasio e pistas polideportivas.
Imaxe da biblioteca
O Centro oferta as seguintes actividades extraescolares: baile galego, baile moderno,iniciación á pintura, debuxo e pintura artística, Patinaxe, Fútbol sala, robótica, inglés con varios niveis, aula de estudo, música e movemento, judo, baloncesto, atletistmo, ximnasia acrobática, teatro...
Estas actividades son xestionadas pola ANPA, que tamén organiza moitas festas para o aumnado e as familias.
- 1º Ciclo educ. primaria (6-8 anos)
- 2º Ciclo educ. primaria (8-10 anos)
- 3º Ciclo educ. primaria (10-12 anos)
- Tlf: 886 120909
- Fax: 886 120949
- Email: cep.fleming@edu.xunta.gal
- Oficina: luns a venres, de 9:00 a 11:15 h e de 11:45 a 4:00 horas.
- Titorías: Os martes de 16:00 h a 17:00 horas
- Clases: Xornada continuada de 9:00 h a 14:00 horas
Este centro ten alumnado do barrio.
Non ten transporte escolar.
Comedor con 354 prazas e cocina equipada.
vigo.org
