Escolas Vigo: directorio de centros educativos.

Somos un centro de calidade no concello de Vigo, en Santo André de Comesaña, a 2 km. da Praza de América, en zona rural con grandes e variados espazos verdes, case sen casas arredor, sen ruidos e sen contaminación.

O  funcionamento do noso centro como institución pública está ao servicio da comunidade a que pertence. 

Recibimos o premio de “Vigués Distinguido” no noso 50 aniversario polo noso labor educativo. 

Promovemos unha educación de calidade, baseada na experimentación, desenvolvendo a creatividade e espertando a curiosidade nun ambiente con espazos naturais privilexiados e acolledores

Educamos  na coeducación, na integración, na paz, na igualdade, no respecto das minorías, na solidariedade, e na tolerancia.

Fomentamos a autonomía nas distintas etapas educativas, así como o desenvolvemento de habilidades e a xestión da intelixencia emocional, encamiñando ao alumnado a un coñecemento de si mesmo, a empatizar e desenvolver habilidades sociais indispensables para o seu presente e futuro como persoa capaz de traballar en equipo, comunicarse claramente e render de forma eficiente no mundo actual. Organizamos tamén obradoiros colaborativos  fomentando a inclusión, o respeto e a tolerancia.

Traballamos cunha metodoloxía baseada en “situacións de aprendizaxe” onde as nenas e nenos aprenden en contacto co medio natural, observando, analizando, procurando información e resolvendo problemas, ofrecendo tamén unha formación en matemáticas manipulativas, competencia dixital e técnicas de estudo.

As linguas galega, castelán e inglesa, ensínanse dende os tres anos, ao comenzo da educación infantil, así como a educación musical e maila educación física.