Escolas Vigo: directorio de centros educativos.

Somos un centro de Educación Infantil e Primaria no que potenciamos unha relación próxima, afectiva e colaboradora con toda a comunidade educativa, axudando de xeito moi positivo ao desenvolvemento integral do alumnado.

O centro segue unha liña de traballo na procura de accións que axuden a manter un centro dinámico, flexible e receptivo, innovando e mellorando a práctica docente.

Para levar todo isto a cabo estamos inmersos nos seguintes proxectos:

•  Contratos-Programa: Participamos en CP-INCLÚE (IGUÁLA-T, CONVÍVE-T e INCLÚE-T) e CP INNOVA (INNOVA e EDUSaúde)
• PROA+.ARCO.
• Plan Proxecta.
• Plan Estratéxico da Mellora da calidade educativa.
• Proxecto de Dinamización da Lingua Galega.
• PLAMBE, Bibliotecas creativas e Radio na Biblio.
• Centro Plurilingüe.
• Centro Edixgal.
• Camiña con nós pola igualdade.
• Plans de Formación do profesorado: Organización e xestión biblioteca; Edixgal e CLIL.

Para acadar os obxectivos marcados polo centro dispoñemos do equipamento preciso nos seguintes espazos:

• Departamento de orientación.
• Centro Plurilingüe con auxiliar de conversa.
• Aulas EDIXGAL en 5º e 6º (23/24) de Ed. Primaria
• Aulas Infantil e Primaria.
• Aula de Música.
• Aula de Inglés.
• Aula sensorial.
• Biblioteca con Espazo Maker.
• Aula creativa.
• Aula dixital.
• Ximnasio.
• Comedor.
• Radio Escolar.
• ANPA
• Aula madruga.

 Ademais todas as nosas aulas están dotadas de encerado ou panel dixital e gran luminosidade, grazas as grandes ventás e aos espazos abertos que nos rodean.

No noso centro existe un lugar onde non só o alumnado é o protagonista, senón tamén animais, seres fantásticos, reis e raíñas,
piratas, nenos... Todos teñen cabida na nosa biblioteca, converténdose nun espazo de encontro entre os diferentes membros da comunidade escolar.

Por todo isto, dende a biblioteca levamos varios anos participando nos seguintes plans:
• PLAMBE.
• Bibliotecas Escolares Inclusivas.

• Bibliotecas Creativas.

• Radio na biblio.

Os temas transversais impregnan a práctica educativa e están presentes en todas as áreas. Somos especialmente sensibles coa educación ambiental, que ten que ser a través dun coñecemento activo do entorno próximo, implicando ao alumnado na conservación e respecto do medio.

Cómpre destacar tamén o entorno no que está situado o centro, con amplas zonas verdes, tendo á nosa disposición:
• Parque para alumnado de Educación Infantil.
• Horta escolar.
• Pistas polideportivas.