Escolas Vigo: directorio de centros educativos.

Somos un colexio...

• PÚBLICO: de todas e todos para todos e todas. Ofertamos un ensino de calidade que busca o pleno desenvolvemento do alumnado como persoa  e como cidadáns.
• PLURILINGÜE: Impartimos materias en castelán, galego e inglés. Contamos con Auxiliar de conversa para as clases de Inglés.
• ABERTO: Ofertamos unha ampla variedade de visitas, saídas e actividades en colaboración co barrio e a cidade (granxas escolas, biblioteca Neira Vilas, visitas ao barrio, as praias e montes da cidade, museos, Reconquistiña, animacións a lectura coa visita dos autores e autoras dos libros do noso itinerario lector...)
   

O noso IDEARIO baséase nas seguintes premisas:

• Educación integral para acadar un pleno desenrolo humano.
• Educación na investigación con actitude crítica.
• Educación na tolerancia, respecto e solidariedade.
• Atención á diversidade e ao pluralismo ideolóxico e cultural do noso alumnado e das súas familias.
• Formación en igualdade nas 2 linguas oficiais, mediante o uso e estudio da nosa cultura.
• Concienciación da importancia do coidado e respecto polo medio natural.

QUE OFERTAMOS?

• Temos xornada continuada, de 9:00 a 14:00 horas.
• Ofertamos aula matinal para o alumnado que deba estar antes da apertura, comedor escolar e moitas actividades extraescolares para quen queira quedar despois.
•  Programamos un amplo catálogo de saídas e visitas extraescolares.
• Contamos con profesorado especialista a tempo completo, que imparten en aulas específicas: Inglés, Música, Pedagoxía Terapéutica, Audición e Linguaxe, Educación Física, Relixión, ...
• Contamos con dúas coidadoras para atender ao alumnado NEAE.
• O noso Departamento de Orientación (tamén a tempo completo) atende al alumnado NEAE e ás familias que o precisen. 
• Seguimos unha metodoloxía activa e de traballo por proxectos educativos en Educación Infantil e metodoloxía orientada as Competencias Clave en Educación Primaria.
• Temos biblioteca con servizo de préstamo dende os 3 anos. Acollidos ao Plan de mellora de bibliotecas escolares desenvolvido pola Consellería de Educación. Contamos con Radio na biblio e con bibliotecas creativas.
• Damos importancia ás novas tecnoloxías: temos aula de POLOS CREATIVOS: xogos de mesa, robots, make-make, micro bits... aula de informática, ordenadores nas aulas, encerados e pizarras dixitais, iPads...
• Participamos en numerosos proxectos e programas: Contratos programa, Cruz Vermella, Caixa ProInfancia, Educación Vial, Plan de Mellora de Bibliotecas Escolares, Radio na Biblio, bibliotecas creativas, polos creativos, Programa  "Camiña con nós pola igualdade", patios dinámicos ...