Escolas Vigo: directorio de centros educativos.

UBICACIÓN

O CEIP Josefa Alonso está situado na parroquia de Matamá, nunha contorna natural que permite o desfrute do contacto coa natureza nunha ubicación próxima ao centro da cidade.

LIÑA METODOLÓXICA

Este centro opta por unha liña metodolóxica segundo a LOMLOE, introducindo paulatinamente dinámicas  favorecedoras da formación competencial do noso alumnado a través de 5 eixos fundamentais:

- O movemento como ferramenta fundamental para o desenvolvemento integral do noso alumnado de E.I. Coas sesións diarias de psicomotricidade procúrase a estimulación das conexións neuronais, o coñecemento de sí mesmo e da contorna e as relacións cos demais.

- Situacións de aprendizaxe. O noso centro propón unha dinámica de aula baseada en situacións ( comunicativo-lingüístico, lóxico-matemático e científico-social) que favorezan a posta en práctica dos contidos conceptuais a través de tarefas experienciais e reais con trascendencia social para o noso alumnado, empregando dinámicas e estruturas propias da aprendizaxe cooperativa.

- Formación continua do Equipo Docente a través de Programas de Formación Para o Profesorado, Seminarios, ponencias, cursos e obradoiros co obxectivo de mellorar a práctica docente.

- Convivencia Escolar Positiva. O noso centro valora as aportacións de todos os membros da comunidade educativa, por este motivo traballamos xuntos/as a través das diferentes comisións nas que a ANPA está en continua participación. 

RECURSOS

O principal recurso para a obtención de experiencias que favorezan unha aprendizaxe activa e significativa é a actividade conxunta de toda a Comunidade Educativa.

Ademais dispoñemos dos recursos propios dun centro destas características: biblioteca e aula STEAM, aula de música, ximnasio...

DATAS SIGNIFICATIVAS

Preservar a cultura galega e as nosas tradicións ten un lugar prioritario no desenvolvemento do proceso de ensinanza-aprendizaxe  do colexio Josefa Alonso de Alonso. É por isto que todo o noso alumnado participa, da man dos seus docentes, de forma activa na celebración de festas , conmemoracións e outras datas de interese cultural relacionadas coa comunidade galega: Samaín, Magosto cos nosos Maiores, Día de Rosalía, Letras Galegas,   Semana Cultural... O equipo de dinamización da lingua promove un amplo abano de actividades encamiñadas nesta dirección, na que cada vez participan máis activamente as familias. O principal obxectivo destas datas é concienciar a toda a Comunidade Educativa da necesidade de traballar xuntos para respectar a contorna, as súas costumes e a súa riqueza.

ORIENTACIÓN EDUCATIVA E INFORMACIÓN ÁS FAMILIAS

O departamento de orientación está constituído pola orientadora e as mestras especialistas en pedagoxía terapéutica e audición e linguaxe que traballan de forma conxunta co resto de docentes e nunha doble vertente: atender ás necesidades específicas das nenas e nenos que precisan apoio e orientar ás familias en aspectos relacionados coa educación dos seus fillos e fillas.

Para este obxectivo o noso DO traballa dun xeito interprofesional cos Equipo Orientación Específicos, Gabinetes, UACO e Profesionais do ámbito clínico.

SECCIÓN BILINGÜE

En primeiro, segundo e terceiro curso de Educación Primaria impártese a Educación Plástica en lingua inglesa ao mesmo tempo que contamos cunha auxiliar de conversa que acude ao centro tanto para EI coma para E.P.