Escolas Vigo: directorio de centros educativos.

COMO TRABALLAMOS?

Ø  En Educación Infantil

En Infantil o xogo é a base de toda aprendizaxe: creatividade, resolución de conflitos, habilidades comunicativas, educación emocional.

Traballamos por proxectos con materiais sensoriais respectando o nivel madurativo do alumnado. As aulas están distribuidas en espazo de xogo simbólico, vida práctica, pensamento lóxico-matemático, lectoescritura.

No noso cole buscamos promover a participación dod nenos/as no seu proceso de ensinanza aprendizaxe, fomentando neles a creatividade e o pensamneto crítico. Algunhas das estratexías metodoloxicas que empregamos mesturan diferentes enfoques:

• A aprendizaxe baseada en proxectos respectando o nivel madurativo e as necesidades do alumnado.
• O Método Montessori, centrado en promover a autonomía e espontaneidade.
• A aprendizaxe cooperativa.
• O Método Waldorf que incentiva o traballo creativo e fantasioso nos rapaces. Os rincóns de aprendizaxe, que son espazos delimitados da aula onde individualmente ou en pequenos grupos realizan simultáneamente diferentes actividades de aprendizaxes.
• Instalacións, que son propostas que convidan aos nenos a observar, pensar, transformar, experimentar e explorar. E
• Provocacións, que son invitacións para que os nenos xoguen e utilicen os materias, segundo a súa curiosidade, desexo, gañas de descubrir e motivación.
• Estimulación sensorial
• Uso equilibrado dos entornos dixitais.

Ø  En Educación Primaria

Traballamos para facilitar ao alumnado unha formación integral, con aprendizaxes que desenvolvan a expresión e comprensión oral, a lectura, a escritura, as habilidades lóxicas e matemáticas, a adquisición das nocións básicas da cultura, hábitos de convivencia, sentido artístico, creatividade e afectividade. O desenvolvemento das competencias clave e un uso equilibrado e educativo dos entornos dixitais.

Ao longo do curso celebramos diferentes conmemoracións interniveis, mesturando alumndo de infantil e primaria, para realizar diferentes xogos e obradoiros, onde os maiores axudan ao máis cativos.

PROGRAMAS NOS QUE PARTICIPAMOS

Participamos ademáis nos seguintes Programas e Proxectos:

• EDIXGAL MODELO HIBRIDO (mesturando libros de texto e uso dos ordenadores)
• RADIO NA BIBLIO
• CLUB DE LECTURA
• VOLUNTARIADO DE BIBLIOTECA
• BIBLIOTECA CREATIVA
• LECTURAS COMPARTIDAS
• XADREZ

Accións para mellorar a convivencia, igualdade e coidado do entorno:

• EQUIPO VIOLETA
• PATRULLAS VERDES

Cada curso traballamos nun proxecto de centro que vertebra diferentes actividades. Ao final do curso (xuño) facemos unha xornada de conviveencia coas familias nas que se pode ver todo o traballado, con obradoiros e exposición dos diferentes cursos.

SERVIZOS XESTIONADOS ANPA:

• AULA MATINAL CON OPCIÓN DE ALMORZO (a partires das 7.30 )
• COMEDOR (de 14.00 a 16.00)
• ACTIVIDADES EXTRAESCOLARES (de 16.00 a 17.30)