Escolas Vigo: directorio de centros educativos.

ConcellerÃa de EducaciÃ³n do Concello de Vigo.

Inicio ► Directorio centros ► CEIP Carballal-Cabral

CEIP Carballal-Cabral - centro público

Adscrito ao centro: IES Carlos Casares (O Meixoeiro)

Rodeados de natureza!

Estamos no monte e iso é marabilloso.

Somos un centro familiar, somos equipo.

Somos enérxicos/as, sensibles, empáticos/as e inclusivos/as.

Implicámonos na aprendizaxe do noso alumnado.

Como docentes aprendemos para mellorar.

A NOSA MISIÓN.

Acompañar ao noso alumnado no seu proceso de ensino aprendizaxe para que medre forte, diverso/a e fantástico.

O NOSO OBXECTIVO.

Asegurar unha educación equitativa, que garanta a igualdade de oportunidades para o pleno desenvolvemento da personalidade dos nosos alumnos/as.

O NOSO EQUIPO.

Profesorado definitivo no cento e en constante formación para dar resposta aos distintos ritmos e estilos de aprendizaxe do noso alumnado.

METODOLOXÍA.

En Infantil non empregamos libros, traballamos por proxectos ou/e estacións de aprendizaxe. Partimos sempre do momento evolutivo do alumnado, dos seus intereses e motivacións. Priorizamos a aprendizaxe manipulativa e a experimentación directa, tendo como eixo fundamental o respecto ao neno/a e as súas necesidades e tamén a xestión emocional.

En Primaria damos continuidade ao traballo de Infantil. As metodoloxías que empregamos combinan o mellor do tradicional co mellor das metodoloxías activas. Matemáticas manipulativas, talleres sensoriais e de experimentación, traballo colaborativo por proxectos e/ou estacións, educación en valores, participación activa das familias na aula, plurilingüismo con auxiliares de conversa… Estas metodoloxías activas, xunto aos servizos de Pedagoxía Terapéutica e aos talleres de Audición e linguaxe promoven e facilitan a inclusión escolar.

TAMÉN OFRECEMOS:

Centro Plurilingüe

Auxiliar de Conversa

EDIXGAL

Biblioteca PLAMBE

Horto Escolar

Aula sensorial

Plan director

Proa +

Proxecta

Patios Dinámicos

Interteatro