Escolas Vigo: directorio de centros educativos.
CEIP Balaídos - centro público
Adscrito ao centro: IES Alexandre BóvedaO Ceip Balaidos é, desde o ano 1980, un lugar onde cada neno e nena ten a oportunidade de crecer, aprender e desenvolverse nunha contorna acolledora e enriquecedora. Con dous grupos por curso, garantimos unha atención personalizada que permite atender as necesidades de cada estudante de Educación Infantil e Educación Primaria.
A conexión coa natureza é unha parte fundamental da nosa filosofía educativa. Contamos cun Horto escolar onde o alumnado non só aprende sobre sustentabilidade, senón tamén desenvolve valores como a responsabilidade e o respecto polo medio ambiente. O noso colexio goza dunha localización privilexiada con acceso directo á senda do río Lagares, o que nos permite aproveitar esta contorna natural para realizar actividades ao aire libre, fomentando o contacto coa natureza e a aprendizaxe fóra da aula.
Ademais, as nosas Bibliotecas son espazos deseñados para fomentar o amor pola lectura e a aprendizaxe autónoma. Nelas organízanse actividades como clubs de lectura, exposicións de libros e talleres educativos para enriquecer a experiencia académica da comunidade escolar.
Promovemos a creatividade e a aprendizaxe activa con espazos como a aula de Polos Creativos e a Aula de Informática, onde o alumnado pode desenvolver habilidades tecnolóxicas e explorar o seu lado máis innovador.
A educación integral é fundamental no noso proxecto, e por iso contamos con especialistas en Música, Inglés e Educación Física, que enriquecen a experiencia educativa en todas as etapas educativas. Os Patios Dinámicos son o lugar perfecto para que o alumnado xogue, socialice e desenvolva a súa creatividade durante os recreos.
Dispoñemos dunha variada oferta de Actividades Extraescolares que axudan ao noso alumnado a descubrir e potenciar os seus talentos (taekwondo, tenis, futbol, patinaxe, inglés...)
Para garantir unha aprendizaxe inclusiva e equitativa, contamos cun Departamento de Orientación, mestras de Pedagoxía Terapéutica (PT) e Audición e Linguaxe (AL), así como unha Aula Multisensorial que facilita a aprendizaxe do alumnado a través dos sentidos. Cremos que a educación non só dáse na aula, por iso dispoñemos dunha Escola de Familias, un espazo de encontro e formación para as familias da nosa comunidade.
En Educación Infantil, traballamos a Conciencia Fonolóxica, xa que ao desenvolver esta habilidade, o alumnado amplía o seu vocabulario, a súa pronuncia e a súa comprensión das palabras, o que lles axuda tanto na lectura como na comunicación oral.
O ensino do Galego é outro dos piares fundamentais do noso proxecto educativo. O noso obxectivo é que os alumnos valoren e utilicen a lingua galega como parte esencial da súa identidade cultural, fomentando a súa aprendizaxe e o seu uso no día a día, tanto dentro como fora da aula. Contamos además con Secciones Bilingües en la materia de E. Plástica y Visual en toda la etapa de Primaria. Este enfoque bilingüe no solo busca fomentar la creatividad y las habilidades artísticas de los estudiantes, sino también potenciar su aprendizaje del idioma de manera práctica y significativa, sobre todo por la presencia de un Auxiliar de Conversación a lo largo de todo el curso.
- 2º Ciclo educ. infantil (3-6 anos)
- 1º Ciclo educ. primaria (6-8 anos)
- 2º Ciclo educ. primaria (8-10 anos)
- 3º Ciclo educ. primaria (10-12 anos)
- Tlf: 886 111 084 - 633 132 639
- Email: ceip.balaidos@edu.xunta.gal
- Oficina: Luns a Venres de 9:00 a 14:00 horas. Martes de 16:00 a 18:00 horas.
- Titorías: Os martes de 16:00 a 17:00.
- Clases: De 9:00 a 14:00.
Contamos con Aula Matinal e servizo de Comedor xestionado pola Anpa.
vigo.org
