Escolas Vigo: directorio de centros educativos.

O centro, construído no ano 1990 e amplliado no 2018, enclávase no barrio de Navia. As instalacións, luminosas, ventiladas, funcionais e equipadas para as modernas tecnoloxías, repártense en dous edificios: un de Educación Infantil (con entrada pola rúa Ufas) e outro de Educación Primaria. 

O principal compromiso do equipo de profesionais do noso centro é o benestar do alumnado, o que nos impulsa a formarnos, a traballar en equipo e a manter un interese contínuo pola innovación. 

Os nosos sinais de identidade son: 

• "Facer da escola a segunda casa e da casa a segunda escola", creando un clima de seguridade e alegria entre o alumnado e de colaboración coas familias.
• Os valores sociais e democráticos, o respecto polo medio ambiente e o fomento da lingua e da tradición cultural galegas. 
• Unha sensibilidade especial pola inclusión, potenciando a personalización da aprendizaxe do alumnado con capacidades diversas e a colaboración con entidades adicadas ó seu coidado. 
• Unha formación para a vida, enfocada á consecución das competencias clave. 
• Unha metodoloxía de traballo viva, manipulativa e significativa que integra o traballo por proxectos e tarefas, o traballo por rincóns e o traballo en equipos cooperativos. 
• A colaboración permanente con institucións do noso entorno e coa ANPA.

O noso xeito de traballar concrétase en: 

• Metodoloxías activas e manipulativas en Educación Infantil
• Emprego de técnicas de Traballo cooperativo
• O proxecto e-dixgal para a implantación do libro dixital en 5º e 6º de Primaria
• A Biblioteca LIA-2 (Biblioteca para a Lectura, a Información e a Aprendizaxe)

O que foi recoñecido con dous premios autonómicos: 

• V Concurso de Traballo por Proxectos (Palabras que trae o mar)
• VI Concurso de Traballo por Proxecto (Pinga a pinga, pensa en verde)