Escolas Vigo: directorio de centros educativos.

Somos un centro aberto á participación das familias e institucións locais, propoñéndonos impartir unha educación de calidade que non se queda só na instrucción, senón que tenta de transmitir valores como a coeducación, a responsabilidade, a autoestima e a convivencia. O profesorado, a través da titoría e da orientación, presta unha atención individualizada que permite a cada nena ou neno desenvolver ao máximo posible dentro das súas posibilidades. Para esta tarefa, conta coa corresponsabilidade das familias, coas que realiza un traballo compartido.
O centro celebra as seguintes conmemoracións: Magosto, Samaín, Nadal, Día da Paz, Entroido, Día da Muller Traballadora, Día do Libro, Semana das Letras Galegas e Festa da Cereixa, entre outras.
Impártense os programas habituais en educación infantil e primaria.

Introdúcese a lingua inglesa desde a etapa de Educación Infantil e toda Primaria.

Por outra banda, o noso centro imparte seccións bilingües na materia de ARTS desde 1º a 6º de Educación Primaria, contando cunha persoa nativa como a auxiliar de conversa ao longo de todo o curso.

Dende hai uns anos o noso centro conta con dúas novas aulas innovadoras, a aula STEAM e aula de cociña coas cales pretendemos achegar aos nosos alumnos/as a unha nova metodoloxía educativa manipulativa. A maiores, grazas aos grandes espazos verdes cos que conta o noso centro podemos achegarnos á natureza e estar en contacto con ela mediante a horta escolar, o estanque...

Resaltar que o noso centro implantou o traballo por ámbitos de aprendizaxe un día a semana, onde os nenos e nenas de diferentes idades traballan mesturados en grupos pequenos abarcando os seguintes ámbitos: STEAM, Club de Letras e Natural e Social.

A nosa filosofía educativa baséase na integración, cooperación e experimentación do noso alumnado.